兩段婚姻兩段情向太櫻子不離不棄

被稱為電影奇才嘅向華勝，事業璀璨，感情方面有過兩段婚姻，張敏、張玉珊亦同佢有過一段情。

 

向華勝首任太太，係八十年代無綫藝員訓練班學員張美玲，有傳二人因性格不合而離婚。

之後就同女星張敏拍拖，向華勝更加開戲力捧女友，之後因張敏淡出影壇，戀情無疾而終。

而99年張玉珊感冒菌入腸，向華勝親自送入院而打動女方，展開相距廿年的忘年戀，卻於06年分手。

至於現任妻子端木櫻子，比向華勝年輕22年，喺內地經營煙草工具生意，擁過億資產。結婚多年，櫻子一直照顧得向華勝好好，例如太忙唔得閒陪老公，佢就會幫老公約定啲朋友唱k食飯。呢次向華勝病重，櫻子憑住佢一直陪伴在側，鼓勵老公與癌魔對抗。